23\5 يوم الدموع الصادقة؟!!

سدئيني مرام عادي انا بؤلك عن اكتر من تجربة صارت معي سبحان الله لا اعتراض على حكمه لما بتعلأ بأي حدا بروح و بسرعة متل مإجا فجديد بطلت اتعلأ بأي شخص لا تجعل انسانا معينا كل مالديك فإن ذهب ستخسر كل ما لديك
عادي حبيبتي اذكريها بالخير و خليها زكرى حلوة و صفحة ملونة من صفحات حياتك

الله معاها
بالتوفيق فكانت معلمة كتير منيحة

سلام : فعلا مس ايمان انسانة رائعة وشخصية بترتاح النفس بمجرد الوقوف والتحدث معها، والأجمل كان تأثيرها الطيب على كثير من الطالبات اللواتي أحببنها في الله بصدق, والله هدا إشي كتير حلو إنو الواحد يشوف المحبة والود بين الناس الطيبين، ولازم الواحد منا يحمد الله انو رزقوا بمعرفة أناس محترمين وحبّابين مثلها, وبدل ما نزعل لأ .........نأخذ التجارب والخبرات الي أخذناها وبنكمّل مشوار حياتنا, انا شخصيا لمّا اتطلع لحياتي وانا طالبة كتير بتذكّر معلمات كان لهم الأثر الكبير في حياتي سواء من الناحية الأكاديمية أو الثقافية أو النفسيةوبحمد الله على نعمة تعرّفي عليهن. وأدعو لهن بالخير .

(الى اللقاء ياست إيمان والله يوفقك )

كان اصعب شي بهادا اليوم لما ودعت جزء من قلبي انا والبنات......
اللي هي معلميتنا ""مس ايمان سعيد"""معلمة الدين
كتير زعلنا والاصعب انو كنا محضرينلها مفاجئة بكرة ع الاذاعة ولما دخلت الصف زقفنالها وانبسطنا لانه ما شفناها من يوم الثلاثا ..فكرناانو بدها تعطينا حصة انبسطنا كتير ... بس للاسف تفاجئنا انه بتحكيلنا بدي اودعكم واوصيكم .....(انا ما حكيت شي ضليت ساكته وانا بطلع بعينيها فكرتها بتمزح لانه قالت النا بدها تروح يوم الاربعا بس لما شفت دموعها ع خدها كتير اتضايقت لا ارادي صارت دموعي ع خدي ولما خلصت قلنالها مس استني :::قرأتلها الفقرة اللي كنت محضريتها ع الاذاعة "ما كنت بدي اعيط وانا بقرأها بس لما شفت المعلمة مدمعة وعيونها حمر ماابتتصوروا اديش كان صعب .........
اعقدت ابكي......وانا بقرأ بصوت عالي كنت اسمع اصوات بكا للبنات حولي وشفت المعلمة لما لفت وجها ع اللوح لحتى ما اتبين النا.........
اتسهلت اتمنيت اني بهداك اليوم ما عرفتها وما عرفت روحها لانحط بهادا الموقف....
كان نفسي اعقد معها كتيربس؟؟
كنت كتير غبية ..؟حبيتها وانا بعرف انها بدها تروح كيف كنت بهاي الحماقة ..
يمكن لو احكيلكم تفكروا جنون بس بصراحة انا كتير برتاح لما اشوفها واحكي معها وبحس انو في شي نقص لما ما اشوفها...
انا موقادرة لهلأ عم بفكر فيها وانا متأكدة انه ما حدا راح ينساها...
في اكتر من انو البنات لبسو الجلابيب من ورى حكياتها الحلوين .......
بتعرفوا انا مو زعلانه لانه الايام غدّارة هاي حقيقة بس انا زعلانه لاني ما راح اصدقها بعد هلأ..وما راح اوثق فيها ابدا......
يعني بالمختصر منقدر انسمي هادا اليوم يوم الدموع الصادقة...
:
......
الله يسهل عليها وينور دربها بتمنالها كل خير