حبل الكذب قصييييييييييير

انطرح موضوع الكذب في باب من أبواب المنتدى وأنا عم برد عليه تذكرت قصة صارت معي , وها هي القصة:
كنت في الصف الأول الاعدادي ( يعني سابع) : وفي حصة الاجتماعيات التي كنت احسها مملة جدا ولا أحب معلمتها قاسية الفلب التي كنت أعتبرها شريرة ، عندما تذكرت انني نسيت أن أحل واجب العلوم ، وبما أنني أجلس في الدرج الرابع ( يعني ورا ) أخرجت الدفتر ووضعته في الردج وبدأت أحل الواجب إلى أن اكتشفت المعلمة ذلك فأخذت مني الدفتر وأكيد بهدلت وعاتبت ولكنني لا أذكر من بهدلتها شيء من شدة خزييي واستحيائي .
المهم انها أخذت الدفتر ولم تقبل أن تعيده الي أبدا , ولأنني منخزية من عملتي ما قدرت أطلب من أي معلمة تساعدني ، ويا حزركم شو عملت ؟؟؟؟
لما روحت على البيت كذبت على أمي وأخبرتها إنو الدفتر وقع من شتنتي لنا كنت عم بطول في دفتر الاجتماعيات ، وطلبت من أمي أن تكتب رسالة الى المعلمة تطالبها بإعادة الدفتر ، طيب :
كتبت أمي الرسالة وشرحت فيه العذر اللي أعطيتها إياه , وطبعا أنا بعرف انو كذب ورح ما تصدق المعلمة العذر الأهبل تبعي لأنو هي أمسكتني بالجرم المشهود .
طلبت من أمي أن لا تكتب العذر وتكتب بس طلب اعادة الدفتر , وبين الحاحي الشديد ورفض أمي لكتابة ما أريده بالضبط ، رفضت أمي كتابة ما أريد , فلم أعطي الرسالة للمعلمة وظل الدفتر معها . بالأخير اضطريت أن أخبر أمي الحقيقة ’ لأكتشف انها كانت عارفة اني عم بكذب عليها طول الوقت .
أما الحل فقد كان بسيطا جدا :
رحت لعند المعلمة وبكل أدب اعترفت اني غلطانة واعتذرت منها واعطيتها كلمة (صادقة طبعا) اني ما رح أعيده , فقبلت المعلمة اعتذاري ورجعت لي الدفتر ، ويا دار ما دخلك شر .
من يومها تعلمت انو : مو عيب الواحد فينا يغلط بس العيب انو يحاول يغطي الغلط بكذبة لأنها بالأخير رح تنكشف ، وتعلمت كمان انو مو عيب الواحد يعتذر اذا كان غلطان ، وكمان تعلمت انو الحقيقة هي أسهل طريق وأريح طريقة لحل المشاكل.