مجرد فضول ( الموضة)

البنات هالايام كتير بحبوا يقلدوا الفنانين والممثلين بلبسهم والاكسسوارات يلي بيلبسوها حتى ما عادوا ينتبهوا كتير للقصة بس هدفهم يتفرجوا على اللبس والمكياج وغيرها ممكن علشان هيك بيعجبهم كل اشي بنزل على السوق حتى لوكان ما بيلبق :

رأيك كتير حلو
بس أنا ما بتوقع انها تزبط لانو في كتير بنات ما بحبوا يلبسوا الا الاشي الضيق لانو برايهم بكون ارتب واحلى مع اني كتير بشحع فكرة انو نطلب من اصحاب المحلات انهم يجيبوا ملابس فضفاضة لاننا نعبر عن دولة مسلمة والاصل ان نكون ملتزمين في مثل هذه الامور

سلام ياحلوين : أولا شكرا إلكم ، بدّي أركز على موضوع انو ما في في السوق غير هيك ، ليش بنستنى السوق يفرض علينا شو نلبس؟ ، يعني أصحاب المحلات أهم شي عندهم يبيعوا ، طيب لمّا ماحدا يطلب الثياب اللي مش ضيقة مارح يجيبوها لأنهم بيحسوا انو مارح تنباع ، ولكن اذا حسوا انو علية طلب أكيد رح يجيبوا ، وعلى فكرة احنا مش متعوّدين نطلب ، فشو رأيكم نحاول نلاقي حل عملي: كل وحدة فينا لمّا يصحلها تروح على السوق على المحلات حتى لو ما بدها تشتري تفوت وتطلب مثلا بنطلون مش ضيق أو جلباب مو ضيّق أو ....
وهيك لما كثير ناس يطلبوا العريض يمكن أصحاب المحلات يلبوا الطلب لأنو زي ما حكيت هموا هدفهم يبيعوا . يمكن تلاقوا الفكرة مش مستاهلة بس لمّا يكون في نيّتك تعملي إشي كويس ولوجه الله تعالى ،الله بوفق ، وشو بعرّفك يمكن نعمل تغيير ، مرات إنسان واحد بغيّر إشي كبير ..... مين معي ؟. ورح عنجد تنفّذ الخطة ؟....

مشالله عليكي يا مس ولوووو لساتك صبية...
بس القصة في هادي الموضة انو احنا اصلا بطل عنا دين والبنات صارت عقولهم تافه بس المهم عندهم يسبقوا غيرهم في ايا اشي سخيف من غير ما يفكروا بعقولهم وازا هاد الشي بيسمح او لأ ؟؟
وغييييييير هيك الواحد بيتعب ت يلاقي بنطلون عادي مو "Skiny" والله حالتنااااااااااا مأساة

Maram Issam كتب:
البست الجلباب.....

عقبالي

حبيبتي دينا لا تعممي
انا كان مريولي تنورةو بلوزة بس ما كنت زي ما بتحكي
وبعدين الله هداني والبست الجلباب.....الحمدلله

يعني بصراحه البنطلون الخصر الساحل و موديل الاسواره هاد الي بيكون جاي على قد الرجل بالزبط
هاد هيك نوعيات انا بالنسبه الي ما بحبها ولا بحب اشوفها
والمشكله الزايده عنا بالمدرسه انو نص البنات هيك يعني بلطينهم متل هيك
وكمان الي بيزيد الطين بله انو كمان قسمو المريول نصين يعني تنوره وقميص وبالصيف بلبسو بلوز على اخر موضه كانهم ابر وين طالعين وبالتنوره الي هيه نص المرويل من تحت جاي هلى حز البنطلون
يعني اتخيلو الموقف خصر ساحل مع تنوره على حز البنطلون كيف الوضع بكون
يعني لو طملت البنت شوي ما بيضل شي الا وببين
يعني مناظر مقززه و مو حلوه كمان
وانا مختصره هاد الكلام كلو على حالي ولابسه جلباب استرلي واحسلي واحلالي كمان وبلا هادي الموديلات

وعليكم السلام :
احنا تمام مستي انت كيفك؟؟؟
انت لا ختيارة ولا شي ما شاء الله عليكي بعز شبابك...........
يمكن لبس البنات لهادا الموديل سببة التقليد لغيرهم
وخاصة انه التقليد الاعمى يعم مجتمعنا...
والسبب التاني :لانه ما في الا هو بالسوق......... هو كتير حلو بس مش ع الكل
بس وين الام والاب لما بتلبس البنت هيك وبتطلع؟؟؟؟؟؟؟؟؟؟؟؟؟؟؟
هي البنت ما عندها مراي تشوف حالها.....
والمشكلة انه هي بطلت تفكر بعقلها وهمها المظهر الخارجي بس.........
هاد رايي....!!
شكرا

بصرااحة انا بشكرك على طرح هاد الموضوع المهم لأنو القضية مش موضة وبس.لأ الموضوع اكبر من هيك بكتير الموضوع ديني واخلاقي قبل كل اشي ,احنا مسلمين وحبنا لدينا وننبينا لازم نعكسه على جوارحنا وما نلبس زي ما بلبسونا الغرب واليهود اللي هدفهم من هاد كله الرجعة عن الدين ونشر الفساد بين الشباب والشابات اللي همي اساس المجتمع ,وانا بحكي يا صبايا خلي ربنا بين عنيكي قبل ما تشتري او تلبسي اي اشي ولا تخليهم يستغفلونا ويمشونا على هواهم الفاسد ,احنا هوانا مع رب العباد اللي ازا بتحبي عن جد بتردي عليه, اصلا احنا ما النا غنا عنو خالقنا ومسيرنا .
واعرفي انو خروجك بهذا اللباس ما برضي الله عز وجل ,عشان هيك استعيني بالله على شيطانك وما تعملي اللا اللي برضييييييييييه.
"اللهم افتح مسامع قلبي لذكرك واجعلني كما تحب"
نوووووور العيون [ندعوك للتسجيل في المنتدى أو التعريف بنفسك لمعاينة هذه الصورة]

كتير من الناس اتهجموا على البنطلون الساحل و اعترضوا عليه مسكين هالبنطلون (فوق مهوي ساحل بدهم يسحلوا فيه اكتر؟)
انا من وجهة نظري
البنت الساحلة مش حيعبرها الا شب ساحل زيها مش
حبآ في السحولة اعوذ بالله بل اشي اكتر من هيك
المهم هالشب و البنت الساحلين استفادوا من تجارب العصر الحجري و تعلموا من اخطاء المجتمعات المحافظة
و قرروا يطلعوا بفكرة البنطلون الساحل و الي معناها بالنسبة الي انك تيجي تعاين البضاعة! مثلآ تعال عاين البضاعة الي عندي و باجي اسوي نفس الاشي كل هادا على المكشوف و لي بعجبو بضاعة التاني بشتريها و حلال عليه بكون ضامن للجودة و عارف عيوبها و و و الخ..
انا حاطة هاي الفكرة ببالي و بقول و بكرردها دايمآ
"شارعنا العربي تسحسل من وقت ما لبس البنطلون المسحسل"
المهم بالآخر حابة احكي انو جيلنا هادا ما بستثني حالي طبعآ نحنا عنا قصر نظر و الجزر غليان مش مستعدين نضيع مصاري عليه لنقوي بصرنا في فخلوا الشباب و البنات يلبسوا هالساحل و اسحل من الساحل لنصير نلعب عالمكشوف.

بالنسبة لسؤالك مس ليلى انا بالاول اشتريت بنطلون ساحل اول ما طلعت ريحتو ما بنكر مش عارفة ليش بس بعد ما وعيت تغيرت افكاري و صرت احكي الحكي الي حكيتو فوق ^.^
شكرآ

السلام عليكم : كيفكم يا أمامير ؟
في عندي سؤال .....
الموضة ها الأيام ومن فترة مش قليلة بالنسبة للبنطالونات هي
الخصر الساحل كتير .
السؤال هو ..... ليش الكل بيلبس هاذا الموديل . لأنو ما في غيرو بالسوق ولّا لأنو بتستحو ما تلبسوا زي غيركم ولّا لأنو حلو وكووول؟
يعني انا يمكن أكون شوي ختيارة ومش مواكبة موضة الصغار . بس والله مش الكل بيلبق علية هاذا الموديل , مرات بيكون كأنو الخصر مش مزبوط وكأنو في تشوة في البنت أو خصرها بدّوا يوقع من مكانوا ...... هو الموضوع مجرد فضول مش أكثر ؟؟